تبلیغات
قـــــــــــاصــــــــدک - مطالب حیدر بابایه سلام (شهریار)
درباره وبلاگ


مدیر وبلاگ : پریسا خدایاری
نویسندگان
جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :
قـــــــــــاصــــــــدک
یکشنبه 17 اردیبهشت 1391 :: نویسنده : پریسا خدایاری       

یالان دنیا

سنین بهره ن یئین کیم دیر؟ /کیمینکی سن؟ییه ن کیم دیر؟
سنه دوغری دئیه ن کیم دیر؟ / (یالان دنیا,یالان دنیا!)
سنی فرزانه لر آتدی, / قاپیب ,دیوانه لر توتدی,
کیمی آلدی , کیمی ساتدی, / ساتان دنیا ,آلان دنیا
... آتی اَزَل داغا سالدیق / یورولدوقجا ,دالی قالدیق ,
آتی ساتدیق ,اولاغ آلدیق / یه هراولدی , پالان دنیا
بیری آینا ,بیری پاس دیر/ بیری آیدین ,بیری کاس دیر,
گئجه طوی دیر,سحر یاس دیر/ گول آچدیقدا ,سولان دنیا
ایگیت لرین باشین یئیه ن , / قوجالار بوز باشین یئیه ن,
قبیر لرین داشین یئیه ن , / ئوزو یئنه قالان دنیا!
نه قاندین ,کیم گول اَکن دیر؟ / کیم قیلیج تک قان تؤکن دیر؟
تیمور هله کوره کن دیر, /چنگیز جانین ,آلان دنیا.
یامان قورقو! ییغیلایدین! / طوفانلاردا بوغولایدین!
نولیدی بیر داغیلایدین, / بیزی درده سالان دنیا.
چاتیب, سندن کؤچن کئچدی /اجل جامین ,ایچه ن کئچدی,
اولان اولدی,کئچن کئچدی, /نه ایستیردین اولان دنیا
بوغلایدین ,دوغان یئرده , / دوغوب خلقی بوغان یئرده ,
اوغول نعشین اوغان یئرده ,/ آنا زولفون یولان دنیا.
قازانیب ,هی تالانیب سان, / قالانیب هی جالانیب سان ,
اَزَلدَن چالخانیب سان / یئنه ده چالخالان دنیا !
ننه قارنی ایلک بئشیگون, / قبرستانلیق ,سون دئشیگون,
نه ایچه رین, نه ائشیگون , / قارانلیق بیر دالان دنیا.
سنی بایقوشلار آلقشلار, / ده لی ویرانه نی خوشلار,
دولان عقله, سنی بوشلار / ایچی بوشلار, دولان دنیا.
سنی قارونلار آللاندی ,/ قیزیلدان تللی قاللاندی,
باتیب ظلماته قویلاندی, / اولوب تللی تالان دنیا
اوجاق ایکن سؤنونموشسن, / چاناق ایکن چؤنونموشسن,
نه پیس قاری ننه ایمش سن, / ناغیل ! یالان ! پالان دنیا.(شهریار)





نوع مطلب : حیدر بابایه سلام (شهریار)، 
برچسب ها :
لینک های مرتبط :