تبلیغات
قـــــــــــاصــــــــدک - مطالب استاد رجب ابراهیمی
درباره وبلاگ


مدیر وبلاگ : پریسا خدایاری
نویسندگان
جستجو

آمار وبلاگ
کل بازدید :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل پست ها :
آخرین بازدید :
آخرین بروز رسانی :
قـــــــــــاصــــــــدک
چهارشنبه 10 دی 1393 :: نویسنده : پریسا خدایاری       
به فرض محال همه ی دنیا مال من باشد ؛
به کارم نمی آید وقتی ...
تو در دنیایم نباشی !
حتی اگر کسی بتواند از کوچه ی بن بست بگذرد...
نه ..!
فکرش را هم نکن
من نمی توانم از عشق  تو بگذرم .....




نوع مطلب : عاشقانه، استاد رجب ابراهیمی، 
برچسب ها :
لینک های مرتبط :
شنبه 6 مهر 1392 :: نویسنده : پریسا خدایاری       
آنا وطن آذربایجان
آذربایجان ,اؤزون کیمی , گؤزلدیر آدین سنین
صفالیدیر کوشنلرین , داغلارین وقارلی دیر
یایلاقلارین جنت کیمی گزمه لی , گول ـ چیچکلی
اوولاقلی دیر مئشه لرین , آغاجلارین بارلی دیر

آنام منی سنده دوغوب , دیلیم سنده آچیلیب
سازیم ـ سؤزوم , آندیم سنسن , گونوم سنده ساچیلیب
سن سیز منیم حیاتیم یوخ , آنام ! دوغما مکانیم !
ائللر سندن ایلهام آلیر , شانلی آذربایجانیم !

دورنالارین قاتار ـ قاتار گؤی لرینده دولانیر
یاشیل باشلی سونالارین , گول لرینده اویناییر
بره لرده جئیران لارین سورو ـ سورو اوتلاییر
دره لرین سرین سولو , بولاقلارین قایناییر

آنام منی سنده دوغوب , دیلیم سنده آچیلیب
سازیم ـ سؤزوم , آندیم سنسن , گونوم سنده ساچیلیب
سن سیز منیم حیاتیم یوخ , آنام ! دوغما مکانیم !
ائللر سندن ایلهام آلیر , شانلی آذربایجانیم ! (استاد رجب ابراهیمی)




نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 29 مرداد 1391 :: نویسنده : پریسا خدایاری       

غم و درده ســــالان منــــی

نییه قویــدون نــــــالان منی

تاپام بلکه نیـــشــان ســـنـدن

آختاریـــرام هـــر آن ســـنی

 

هارا گئتدین هارا گئـــتدیــن

اوره ییمی یارا ائتـــــــدیــن

منی یالقیز قویوب , گئتـدین

سن ایدین یاریم , دوزایلقاریم

گول باهاریم , گول باهاریم

 

بیر آن سنـــی اونــوتمــارام

عؤمروم وار کن سنه یـارام

هر یـــادیمــــا دوشنده ســـن

تــــزه له نــــر اورک یارام

 

هــــارا گئتدین هارا گئــتدین

اوره ییــــمی یــــارا ائتــدین

منی یالقیز قویوب , گئــتدین

سن ایدین یاریم ,دوز ایلقاریم

گول باهاریم , گـول باهاریم

استاد رجب ابراهیمی

 

 

 





نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 29 مرداد 1391 :: نویسنده : پریسا خدایاری       

دایـــانیـــرام پنــجـــره دن

گؤز تیکیرم اوزاق یـــولا

حسرتله آه چیکیـب هر آن

باخیرام من ساغا – سولا

 

گؤزوم یـولدا انـــتــــظارلا

آرزولارام هـــر آن سنــی

بو آیرلــیق دردی اینـــــان

اؤلدوره جک جاوان منی

 

قاپــیمیز هر دؤیـــولـــنـــده

خیــالیمــا سن گــلــیرســن

گؤره سن بو اودورگلیب ؟

اؤز – اؤزومه دئییرم من

 

گؤزوم یــــولدا انتـــظارلا

آرزولارام هر آن سنــــی

بو آیرلیق دردی اینــــــان

اؤلدوره جک جاوان منی

 

هر گلندن سوروشـــورام

بلکه وئــره خـــبر سنـــدن

یوخسا منی اونـــودوبسـان

یا کی دؤنوب اوزوم مندن

 

گؤزوم یــــولدا انتـــظارلا

آرزولارام هر آن سنــــــی

بو آیرلیـق دردی ایـــنــــان

اؤلدوره جک جاوان منی

 

دایانـــیــــرام پنجـــره دن

گؤز تیکیـــرم اوزاق یـولا

حسرتله آه چیکیب هـر آن

باخیرام من ساغا – سولا

 

گؤزوم یــــولدا انتظـــارلا

آرزولارام هـــر آن سنــی

بــو آیرلیـــق دردی اینــــان

اؤلدوره جـــک جاوان مـنی

استاد رجب ابراهیمی .

 

 

 





نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 17 اردیبهشت 1391 :: نویسنده : پریسا خدایاری       
 
آچیل سحر
آچیل سحر , آچیل صاباح, دوغ گونش
تنگه گلدیم ,گئجه, ظولمت الیندن
قارانلیق , کونلومو سیخدی ,دوتولدو
قولاغیم ,بایقوشون شوم ناله سیندن
آچیل سحر ,ائللریمیز اویانسین
گونش دوغسون ,قیزیل نورا بویانسین
دومان دوتوب هر طرفی ,گورنمور
نه بیر اولدوز , نه ده بیر آی پاراسی
تئز یئتیراوزونو ,باغریم قان اولدو
ایشیقلانسین کونلوم ,گئتسین قاراسی
آچیل سحر ,ائللریمیز اویانسین
گونش دوغسون ,قیزیل نورا بویانسین
گئجه اوزون من ده یالقیز ,یوخوم یوخ
گئجه قوشو , منه همدم اولوبدور
اوره ییم تله سیر سنی گورمه یه
فراغیندا ,گول تک رنگیم سولوبدور
آچیل سحر ,ائللریمیز اویانسین
گونش دوغسون ,قیزیل نورا بویانسین
رجب ابراهیمی




نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 17 اردیبهشت 1391 :: نویسنده : پریسا خدایاری       
 
آیریلیق
فیکریندن گئجه لر یاتا بیلمیرم
بو فیکری باشیمدان آتا بیلمیرم
نئیله ییم که سنه چاتا بیلمیرم
آیریلیق، آیریلیق، آمان آیریلیق
 هر بیر دردن اولار یامان آیریلیق
اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق
یادیما دوشنده آلا گوزلرین
گویده اولدوزلاردان آلام خبرین
نئیله ییم کسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق
آیریلیق دردینی چکمه ین بیلمز
یاردان آیری دوشن گوز یاشین سیلمز
دئییرلر اانتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق
نئجه کی ائلیمدن آیری دوشندن
سورار بیر - بیرینی گوروب بیلندن
حسرتله سیزلا یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق
ایللردی اوزاغام آرخام - ائلیمدن
بولبلم ,دوشموشم ,آیری گولومدن
جور ایله آییریب شیرین دیلیمدن
آیریلیق، آیریلیق، آمان آیریلیق
هر بیر دردن اولار یامان آیریلیق
اولوبدور بیگانه یاریم - یولداشیم
غریبه ساییلیر سئوگیم - سیرداشیم
بوجاوان چاغیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق
منی آغلاداندان گولوش ایسته رم
آیری دوشه نیمله گوروش ایسته رم
حصاری ییخماغا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق
سئوگی لیک اولوبدور شانی "فرهاد"ین!
سئوگی سی هاردادیر، هانی" فرهاد"ین؟
دئیه رک چیخاجاق جانی "فرهاد"ین!
آیریلیق، آیریلیق، آمان آیریلیق
هر بیر دردن اولار یامان آیریلیق
رجب ابراهیمی




نوع مطلب : استاد رجب ابراهیمی، 
برچسب ها :
لینک های مرتبط : اینک دانلود فایل صوتی آیریلیق mp3،
یکشنبه 17 اردیبهشت 1391 :: نویسنده : پریسا خدایاری       
 
اردبیل
گلین گئدک اردبیله گزمه یه
یایلاقلار دا ,سولاریندا سؤزمه یه
یورغونلوق دان , پوزغونلوقدان بئزمه یه
ذوق و نشاطین یئری دیر اردبیل
تویون – بساطین یئری دیر اردبیل
سرعین نین "گؤل" لرینده ,چیمک بیز
"آغری " لاری ,قوواق جاندان ای عزیز
یمک لری – ایچمک لری ,تر – تمیز
ذوق و نشاطین یئری دیر اردبیل
تویون – بساطین یئری دیر اردبیل
شورابیلین گئجه لری سریندیر
اوزمه یه وار یئری ,سانما دریندیر
دوستلاریله گزمک اوردا شیریندیر
ذوق و نشاطین یئری دیر اردبیل
تویون – بساطین یئری دیر اردبیل
ساوالاندا داغچیلارین کروانی
یایلاقلاری شوقه سالیر انسانی
فیندیقلی سی ,سرداواسی هر یانی
ذوق و نشاطین یئری دیر اردبیل
تویون – بساطین یئری دیر اردبیل
شیخ صفی نین بقعه سینی گؤرمه یه
اوردا نئچه خئیر –دوعا وئرمه یه
چوخ یاراشیر بوردا عؤمور سورمه یه
ذوق و نشاطین یئری دیر اردبیل
تویون – بساطین یئری دیر اردبیل
خوش مزه دیر , بال – قایماغی کره سی
یئمه لی در ,سوت – قاتیغی ,فره سی
تپ تزه دیر گؤورتی سی – تره سی
ذوق و نشاطین یئری دیر اردبیل
تویون – بساطین یئری دیر اردبیل
رجب ابراهیمی




نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 17 اردیبهشت 1391 :: نویسنده : پریسا خدایاری       
 
تبریز
تاریخین تَمَلی قویولان زامان
باشدا یازیلیبدیر آدین قهرمان
قوینوندا بسله نیب چوخ اولو اینسان
ائلیمین اؤلکه مین ووقاری تبریز
شانلی قهرمانلار دیاری تبریز
گؤزللیک آدینی آلیبدیر سندن
سئودالی سئوگیلین اولور هر گؤرن

یاراشیر آدینا ای گؤزل وطن
ائلیمین اؤلکه مین ووقاری تبریز
شانلی قهرمانلار دیاری تبریز
دیللر از بریدیر خوش آدین ,سانین
مفدسردیر بیزه هر بیر مکانین
پارلاق اولدوزو سان آذربایجانین
ائلیمین اؤلکه مین ووقاری تبریز
شانلی قهرمانلار دیاری تبریز
ائلیمین اؤلکه مین ووقاری تبریز
شانلی قهرمانلار دیاری تبریز
رجب ابراهیمی




نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 17 اردیبهشت 1391 :: نویسنده : پریسا خدایاری       
 
آغلاما
آغلاما آغلاما گوزل مارالیم
آغلاما ,گؤزلرین قاداسین آلیم
سن آغلاسان منیم آرتار ملالیم
آغلاما ,آغلاما گؤزونه قوربان
"آی " باخیشلی ,شیرین سؤزونه قوربان
گول اوتور گؤزلرین یاشینی سیلیم.
دئ گؤروم نه اولوب آی شیرین دیللیم
سؤیله بیر سن منه دردینی بیلیم
آغلاما ,آغلاما گؤزونه قوربان
"آی " باخیشلی ,شیرین سؤزونه قوربان
اودلو باخشیلارین ایلمه سرین
گَل دولا بوینوما نازیک اللرین
من سنه "فرهاد " ام سن منه شیرین
آغلاما ,آغلاما گؤزونه قوربان
"آی " باخیشلی ,شیرین سؤزونه قوربان
رجب ابراهیمی




نوع مطلب : استاد رجب ابراهیمی، 
برچسب ها :
لینک های مرتبط :
یکشنبه 17 اردیبهشت 1391 :: نویسنده : پریسا خدایاری       
 
باهار گلیب
بولودلارچیخیر اویناغا
اوبالار کؤچور قایناغا
بولاغلار گلیر قایناغا
ائللر دئییر: باهار گلیب
 یاشیل زمی لربوی آتیر
بوی آتیر سونبله چاتیر
تیکانلار آیاغا باتیر
چؤللر دئییر : باهار گلیب
سورولر داغ اته یینده
ایچمه یینده ـ ئیمه یینده
چوبانلارین ئوته یینده
زیللر دئییر : باهار گلیب
چایلاقلارین قازلاریندا
قیزـ گلینلرنازلاریندا
عاشیقلارین سازلاریندا
تئللر دئییر : باها رگلیب
حسرت گؤزلر اوزاقلاردا
آرزولاییر بوجاقلاردا
سیزیلدایان دوداقلاردا
دیل لر دئییر: باهار گلیب
کؤز تیکدیکجه سولا ـ ساغا
قوشلار قونور گول بوداغا
گؤیدن یاغیش یاغا ـ یاغا
سئل لر دئییر : باهار گلیب
هئی باخیرام پنجره دن
گؤزوم دویمور منظره دن
چیچک آچان داغ ـ دره دن
گوللر دئییر : باهار گلیب
 
رجب ابراهیمی
 




نوع مطلب : استاد رجب ابراهیمی، 
برچسب ها :
لینک های مرتبط :
جمعه 15 اردیبهشت 1391 :: نویسنده : پریسا خدایاری       

کورابازلی بورادیر!
نه خبر دیر بوردا؟!                                                         
نه اولوبدور مگر؟!
بیر قورا خلیق کندده
بیر قورو کؤشنده
سوسوزوندان آلیشیب نعره چکن,بیر یئرده
کی زامانلار- زامانی
بیر ایچیم تاملی ,ساغلاملی
سووا آغاجا , میوه سینه , حسرت ایدی !
ایندی بو دادلی – گوزه ل میوه لر
بوردا بیته رک , و بازاردا ساتیلیر!؟
نئجه یوللار چکیب !
نه یبنا لار تیکیلیب !
نه چیراغ لار دئزولوب یان یانا بوردا!
گئجه سی گوندوزه بنزر
گوندوزو , گزمه لی , گورملی ,صفالی
سانکی بیر شهردی بوردا یارانیب
نه اولوب بوردا مگر!
نه چیخیب تورپاقدان !
نه بیتیبدیر یئردن , بوردا خالیق نه یاتمیشدی ,
نه موعجزه گورونوب ؟! بئله حیرتده قویوبدورهامینی!
"داش گویر چین " لری اوندان ,
دسته دسته او چاراق ,
"سونا کهلیک " لرین آوازینی , عکس ائتدیرن او
اوخوجو قوشلارینین , موسیقی آواسی قو لاقلاردا گزن ,
قو جامان "بوینو یوغون" قلعه سی , هوندور قایا , تاریخ یاتاغی
ساوالان تک دوروشوقلو ,
"چنلی بئل " تک یاراشیقلی ,
گورونن بوردادی !
بوردا یاشییر؟
"نر اولن " دن چکیلن "بوز قوشا" تک ,هایلی , هارایلی ,
بابا یایلاقلاری ,
او.......
یازدا – یایدا ,گوزل اوولاقلاری کی
گوی لرینده توراخلایر سسی هر یاندا اوتور
یوللادیر عارفی عشقه عالمینه
نغمه لر اینسانی
یئردن قوپاردیر
آپاریر عرش ده سئودا دمینه ,
اوبالی ,گوللو - چیچکلی ,
سئومه لی یوردلاری ,"اوزون چمنی"
دوپ –دورو , گوز یاشی تک ,
بوز کیمی بالدان دا شیرین
آدلی و دادلی بولاقلار,
سینه سیندن آخاراق,
اینسانا شوق وئرن ...
"خالیقه "شوکر ائیلمه یی......
بورانین دیر!
عجبا.......,
نه گوزلیک لره مالیک دیر بورا ,
بوردا عشق موج وورور
بوردا انسان عملی ,
"خاریقه " هیکل یارادیب!
بوردا بیر تازه حیات باشلانیب
بوردا "ائل "قودرتی
دونموشدی "سئله"
"گله جک " لرده یقین
"کوراباز اولگوسو "
آباد ائده جک اولکه میزی!
رجب ابراهیمی





نوع مطلب : استاد رجب ابراهیمی، 
برچسب ها :
لینک های مرتبط :
جمعه 15 اردیبهشت 1391 :: نویسنده : پریسا خدایاری       

یاز گلیبدیر
یاز گلیبدیر چؤلده آچیر یئنه چیچکلر
بیر ده دولور سئوینجله غملی اورکلر
غونچه گولور ,چمن یاشیل دونا بورونور
بنؤوشه یاسمن لر باغدا گوؤرونور
 بولبول گولون بوداغیندا نغمه اوخویور
یئل اسدیکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللرده بولبول نغمه سی
سئوگی سئون اورکلرده جوشور آرزولار
جان ائویندن اونودولوب کؤچور قایغی لار
اوغلان – قیزلار سئیره هرگون چیخیر لار قوشا
شاعیر ایستر بو زاماندا ماهنی لار قوشا
بولبول گولون بوداغیندا نغمه اوخویور
یئل اسدیکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللرده بولبول نغمه سی
شئه اوتورور گول اوستونده تئزدن هر سحر
قارا نقوشلار ائتمه ییرلر تازه بیر سفر
هر یاندا گول – چیچک لیکدیر گولور داغ دره
یارانیبدیر گؤز باخدیقجا گؤزل منظره
بولبول گولون بوداغیندا نغمه اوخویور
یئل اسدیکجه چمنلرده نرگس قوخویور
یاییلبدیر هر طرفه گول رایحه سی
حیات وئریر کؤنوللرده بولبول نغمه سی

رجب ابراهیمی





نوع مطلب : استاد رجب ابراهیمی، 
برچسب ها :
لینک های مرتبط :
جمعه 15 اردیبهشت 1391 :: نویسنده : پریسا خدایاری       

لاله
یاندیربسان ,یئنه چؤللرده چیراغ
سن گولورسن ,گولور بوتون چمن – باغ
بزه نیبدیر سندن , داغلار – دره لر
یارادیبسان ,نه گؤ
زل منظره لر
 دوشوب آیدین ,یئنه دیللره لاله
یاییلیبسان بیزیم , چؤللره لاله
سن چؤلرین سئویملی بیر قیزیسان
طبیعتین ایشقلی اولدوزوسان
عاشیق دریر, تؤحفه وئریر یارینا
بنزه ییرسن , عاشیق لر ایلقارینا
دوشوب آیدین ,یئنه دیللره لاله
یاییلیبسان بیزیم , چؤللره لاله
نه گؤزلدیر اؤلکه میزده یاز اولا
اورکلر سئوینه ,صؤحبت – ساز اولا
سن اولاسان "گلین " گوللر ایچینده
شؤهرتین یاییلا ائللر ایچینده
دوشوب آیدین ,یئنه دیللره لاله
یاییلیبسان بیزیم , چؤللره لاله

رجب ابراهیمی





نوع مطلب : استاد رجب ابراهیمی، 
برچسب ها :
لینک های مرتبط :
جمعه 15 اردیبهشت 1391 :: نویسنده : پریسا خدایاری       

ساوالان
چکیبسن باشینا قاردان آغ اؤ
رپک
اته ایینده گولور چمن گول ـ چیچک
دؤشلریندن آخیر سرین بولاقلار
صفا گؤرور سنه گلن قوناقلار
 شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان, ووقارلی گؤزل ساوالان
هر ایل یازدا سنه ائللر,اوبالار
قوناق گلیب آلاچیقلار قورارلار
کروانلار دوزولر اوزون یولونا
سورولر یاییلار ـ ساغ ـ سولونا
شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان, ووقارلی گوزل ساوالان
اورک سئون یاشیل یایلاقلارین وار
جنت کیمی گؤزل اوولاقلارین وار
دیللرین ازبری بالین وار سنین
گزمه لی یاماجین ـ یالین وار سنین
شؤهرتین بورویوب بوتون دونیانی
آلاولار یوردونون سنسن نیشانی
تاریخ یاد ائیله ییب سندن هر زامان
قوجامان, ووقارلی گؤزل ساوالان

رجب ابراهیمی





نوع مطلب : استاد رجب ابراهیمی، 
برچسب ها :
لینک های مرتبط :
جمعه 15 اردیبهشت 1391 :: نویسنده : پریسا خدایاری       

اوزون چمن

یازدا بزه نیرسن تازه گلین تک

اؤرتورسن اوزونه لاله دن اورپک

گولور هر یانیندا غونچه گول چیچک

یوردومون گؤزوسن آی اوزون چمن

دیلیمین سؤزوسن آی اوزون چمن

سحر چاغی کروان گئدیر یولوندا

سورولر مه لشیر ساغ – سولدا

توراخلایر چهچه وورور یالوندا

یؤردومون گوزوسن آی اوزون چمن

دیلیمین سؤزوسن آی اوزون چمن

قیزلار سنده دسته – دسته گزنده

اوغلانلار باغرینی نازلا ازنده

کهلیک کیمی یاللاریندا سؤزنده

یوردومون گؤزوسن آی اوزون چمن

دیلیمین سؤزوسن آی اوزون چمن

آچاندا گول غونچه لری هر باهار

سندن اوزاق دوشن سنی آرزولار

سرین سولو گؤزل بولاقلارین وار

یوردومون گؤزوسن آی اوزون چمن

دیلیمین سؤزوسن آی اوزون چمن

رجب ابراهیمی





نوع مطلب : استاد رجب ابراهیمی، 
برچسب ها :
لینک های مرتبط :